Sälte Glück

Glück,was isch no säll?
'S isch meischt un ammel
schnäll ab, grad scho gange,
ächscht neume anders umme
un wieder emol nit do.

Denno chasch jo mache,
was de e so wottsch
oder me loßt's lieber si.
Sälbscht 's Lottoschpiel,
säll bringt mir nie nüt i.

Do bisch au immer numme
e Blödi un bi de Dumme.
'S Glück isch e Rindviech.
Das cha me gwüß lut sage
un rennt, wo's renne will.

Me cha's im Läbe au nit hebe.
Glück macht sich usem Gjomer nüt
un us'm ganze Ghüül un Klage.
Am beschte nimmsch's wie's isch
un haltisch's Muul,bisch schtill.

'S Glück isch hüt fascht numme Bschiß,
hängt neume de meischte Lüüt
viel z' hoch un obe dra.
Do cha de kleini Maa nit ane cho.
Säll Glück muesch erscht emol ha.

Chunnt me mängmol au uf de Hund
un schlot's Glück is uf de Ranze,
d' Hauptsach isch un bliebt am Ganze,
mir hän Humor, sin gsund.