Närrischs

R: Du?
D: Hä?

R: D' Politiker sage immer, m i r sotte unsri Aschpüch z'ruckschrube.

D: Hejo, säll hän mir doch gmacht, wo mir d i e gwählt hän!

R: Also los emol...

D: Hä?

R: 'S Intelligäntischti bi dir isch au numme no di Wiisheitszahn.

D: Meinsch? Mängi d ä t e gärn dänge,wenn sie ammel wüßte, mit was ?

R: Do dezue sag i jetzt nüt un mein jo numme. Los, meine wird me jo no dürfe oder?

D: Hejo, wil du's bisch.Du, i bi grad ufem Roothus gsi, bim Bürgerking.

R: Ah. Wieso bisch no scho wieder dusse?

D: Wil vornähmi Gäscht dört sin.

R: Jo was, un wäge dem losch du di usem allgemeine un öffendlige Huus vertriebe?

D: Henai aber die hän grad Chaffipaus.

R: Jo, was meinsch jetzt du do demit?

D: Jo, weisch, die vornähmi Gäscht usem Norde, sälli schäle grad ebe ihri Berliner, um an d' Gompfi z' cho.Das brucht Zit un mit de schöne, falsche Zähn, wo me enander jo au zeige wott.

R: Bi dene wohrschins scho, hän's jo im Progamm dinne un müen halt die Berliner un de Chaffiplausch abschaffe.

D: Jo du, i ha mir au schomol dängt, 's Ässe isch doch no d'schönschti Arbet, bim Schaffe.Du, bi dene sieht's us....bi mir in de Chuchi chasch vom Fueßbode ässe....e so viel Zügs liegt do umme.

R: Do dezue sag i wieder emol nüt.I mein jo numme, lieber liislig, für mi. Dänge wird me no dürfe, gäll?

D: Scho no.Mir ischs bi dem ammel zuem Hüle.

R: Do, hesch emol e Sackduech. I nimm sunscht numme die, wo me wieder neh cha.

D: Was, worum no des?

R: Jo, wil die us Papier mi e so saublöd närve.

D: Das cha mir nit passiere. I chei sälli immer gli furt.

R: Nai, nit wäge dem. Bi dene schtoht gopferdelli scho am früeje Morge T E M P O druf, au no am Mendig.

D: Do hesch rächt, e sonigi Frächheit das, vo some ifallslose un gedangelose Wärbigsdöchel, hä?

R: Säll chasch lut sage.Die letschti han i e verhüült's Frollein im Zug gfrogt, öb sie vo mir gärn Tempo wott.No het sie m'r ufsmol eini bache, do genau ufs Aug.

D: Jonai, denno ischs sicher e Usländerin gsi, wieder e typische Fall vo dere ewige, leidige Völkerverschtändigungsschwierigkeit vo dene.Jetzt gits scho wieder öbbis neus. Hesch's scho ghört, vo dene Schtammzelle?

R: Nai, des isch nüt neus, hör mir numme uf mit dem.

D: Was, des isch aber grad überall 's aktuells Thema. Weisch des nit?

R: Jo scho aber i glaub,'s isch e ufgwärmts Thema, e scho uralt's, wäge vor de Wahle.

D: Des saisch du jetzte e so.Woher willsch des ement wüsse?

R: He, wils die scho immer geh het, für e paar Lüüt, du Bachel.

D: Du, i glaub, i ha au bald eini.

R: Henai, die choschtet aber un cha sich nit e jede leischte.Für was bruchsch du denno die?

D: Jo, bruche due i sälli nit direkt, aber me cha jo nie wüsse.

R: Wieso meinsch?

D: Die letschti het m'r ein e sottigi Schtammzelle verschproche, wenn i e so witersufe dät.

R: Ahsooo, sälli. Hejo, sälli hesch no ganz umsunscht, bi dine Schulde, wo de scho efange hesch.Du, wenns dört für's Loschiere Rabattmärkli geh dät, denno chönnt e mänge 's Büechli some arme Penner verschänge, für e Urlaub inere JVA-Schtammzelle in de chalte Johreszit.

D: Jo jo, no dätisch mit em Sufe un e so no öbberem e guet's Werk due, nit numme de Polizei un de Beize.

R: Jowaaas, de Schuggerei duesch du e guets Werk? Wievielmol bisch scho go usnüchtere gsi?Das mit de Beiz verschtand i jo no.

D:Jo, muesch d'r numme emol vorschtelle, wenn nütme für die Grüene, e so Schlächts passiert, do sin die jo alli schwer arbeitssuchend. Was meinsch, vo wellene die denno läbe? Do hän die Räschte jo kai Freud meh an de Arbet, isch jo dene ihre Tschob au nümme interessant. No wäre die nit emol me in de Büros uusglaschtet, müeßte höchschtens e paar alti Fäll nocheschaffe,- gaaanz langsam, ass cheine öbbis merkt un niemed chrank wurdi un wäge Überbelaschtig vorzitig uf Ränte macht un de Löffel cheie loßt. Jetzt wüssed alli wenigschtens no, für w a s sie guet sin.