Gäld sott me ha

R:Du!
D: Hä?

R: Gäld sott me ha …
D: Jo jo … äh, wieso?
R: Weisch, die letschti Wuche han i Ushilf im Autihuus Döffli un Sohn gmacht.
D: Jo? Sag numme, e sone fiine Tschob hesch du gfunde? Was hesch dört gmacht?
R: He was au, öbbe verchauft.
D: Du meinsch neui Autis?
R: Hejo,-Du, do het mi eine gfrogt, öb er de 280er oder de 300er Mercedes neh sott, glii am erschte Dag.
D: Un, was hesch em groote?
R: Jo, ganz eifach, asser de 300er neh sott.Uf die 20 Euroli chämti des bi ihm doch nit a --- wie er ussähi.
D: Un, welle het'r gnoh?
R: Du, de Maa het mi uf eimol ganz chomisch agluegt un zue mir gsait, er mießti nomol heimgoh un sini Frau frooge. Also e sone mißtrauische Chnoche.
D: Worum? Viellicht het die jo de größeri Autiverschtand. Du, schwätzisch ammel arg viel, au wenn de nüt zuem Sage hesch.
R: I ha eigentlig nit e so viel gsait, am erschte Dag. Defür han i aber mine beschte Azug aglegt, wo scho johrelang uf die Glägeheit gwartet het.
D: Worum? Het de dir des gsait? Aber nit sälle, wo de zue dere Beärdigung vom Gmeiroot aagha hesch? Sälle isch doch scho us de zwoite Hand gsii un schteialt!
R: Das macht doch nüt, die usgschtellte Bei sin jo wieder modärn.
D: Jesses, du chasch doch e so öbbis nit traage mit dini Oo-Bei,- un los, zue dinem Gsicht paßt sowieso nüt, scho gar kei Mercedes … höchschtens e Velo!