Au e Händy

R: Du?
D: Hä?

R: Solli, bisch z'wäg? Git's öbbis neus?

D: Scho, lueg, i ha m'r au e Händy zuedue.Jetzt cha i ammel überall telifoniere un bruuch underwägs cheiTK- Hüüsli me sueche go, wo meischtens sowieso am Arsch sin.

R: Jo jo,- aber weisch, ass me zuem Bischpiel im Auti nit mit em Händy telefoniere darf? Sunscht choschtet's
30 Euro oder scho meh.

D: Jo was, henai, e so viel gli?Äh---,un ufem Velo?

R: Jo do dörfsch's Händy au nit benutze.dört choschtet's 15 Euro, wenn's numme längt,- für eimol.

D: Was, das au no? Jo--- äh,--- für de gliichi Wäg?

R: Uf sälle chunnt's nit a.

D: Ah so,--- uf was denno?

R: He, öb de's benutze duesch oder nit.

D: Jo, für was hesch no du dini zwoi Händy?

R: Also los, du frogsch emol adätscht.Zuem Telifoniere ha i sälli un ender für underwägs, ass mi dört eine erreiche cha.

D: Ebe, do defür han i min's au dängt.Deheim han i jo 's Feschtnetz.Des chasch halt nit mitneh.'S Händy isch halt scho e saugueti Sach, gäll?

R: Ähä, merksch's also au scho? Los, wo kessle mir jetze ane? I sott no uf Gränzach abe.Chunsch mit?

D: Jo, wart emol, i wott zerscht no schnäll telifoniere.I ha's Händy debi.

R: Guet, denno chasch dezue grad do vorem Imbißbüdeli abhocke.I gang m'r öbbis z' trinke hole.

D: Du, bringsch m'r au öbbis e so mit? Los emol, ufem Bänkli, do choschtet's Telifoniere waaas?

R: Dört choschtet's nüt, sait niemed öbbis.

D: Ahsooo,--- no isch's guet .Denno chönnte mir jo ammel ement no e paarmol do ane cho--- oder hä?

R: Wieso, worum meinsch?

D: Hejo, wil's do doch nüt choschtet, --- 's Telifoniere,--- mit'm Händy, han i dängt, hesch's doch vorig sälber gsait.

R: Hä, was isch? Passisch do mol uf d' Velos uf.Do schtön e so e Hufe Lüüt umme!

D: Jo jo, do schtiege sie us dene Autis un ab de Velos un verfrässe wohrschiens 's Gäld, wo die bim Aaschtoh denno schpare, wägem Händy, an dem Platz, bim Telifoniere.

R: Was meinsch, I chumm gli, i telifonier grad no!

D: Hejo, i au no schnäll. Nochher fahre mir jo mit de Velos witer.Do choschtet's no wieder, gäll?--- Jessesnai, was die Lüüt ement ammel für e Rächnig hän, wo im Auti oder ufem Velo telifoniere duen, jo un sälli, wo d' Schparplätz nit wüsse, hä?Me glaubt's nit!

R: was isch? Hesch e Problem mit'm Händy?

D: Nai, alles beschtens, mir chönnte ruijg witerfahre!

R: Wart emol, i lad mir numme grad 's Händy uf. I ha m'r gescht e neui Charte gchauft. Jo gopferdelli, i glaub, i ha sie ufem Wäg verlore!Oder isch säll vorig doch nit e alte Kassezedel gsi, woni am Fräßbeizli cheie lo ha?

D: Säll cha mir nit passiere.Mi Händy goht immer. Do, chasch's emol neh.'S choschtet jo nüt.

R: Dangschön, i bruuch nit lang.Un wäge de Chöschte, do wartisch numme emol ab, bis d' erschti Rächnig hesch. Denno schwätze mir drüber un vergliiche, wer no do meh zahlt, gäll?

D: Ähä-oder au nit.'S isch mir rächt.Denno verrootsch m'r emol genauer, wie me günschtiger telifoniert un viellicht no under die 15 Euro chunnt?

R: Das cha i d'r gli sage: De muesch Brief schriebe oder anegoh oder de Chontagt si lo.I glaub, de muesch doch no e mängs lere, ums Händy umme.

D: Jo jo, do demit fange mir am beschte grad hüt zobe a, wen de für mi Zit hättisch.

R: Ganz chlar, wil's du bisch, sunscht druggsch numme im Saich ummenander un landisch ufsmol no in China oder e so!

D: Waas? MIt'm Händy goht's e so wit? Mit dem chlei Dig do un wo i dört nit emol öbber chenn!

R: Do frogsch emol dini Nochbere, was dere passiert isch. Die het verzellt, uf ihrem Händy het ammel eine e Hufe Zügs verzellt un sie heigi immer numme öbbis vo Mit zuenere Bischi verschtande un druf gantwortet, ass sie dört nit ane wott.No heigi eine numme no Musch Muschi zue nere gsait.

D: Henai, au no zue dere ältere Dame e so öbbis go sage.Das isch aber e blödi Sau gsi, also nai!Worum het sie de au druggt?

R:Sie heigi niemed druggt, das isch's jo.

D: Los, denno isch's sicher numme e Schtörig gsi.Was meinsch?

R: Jo,-- oder die het's Händy nit abgschtellt gha un isch ammel neume dra cho, het's d' Zahle ällei druggt.

D : Jowaas, git's das au? Numme guet, ass eim öbber die neumodischi Sache erklärt.Sunscht schtohsch jo mängisch grad wie e Bachel do un im Wald.

R: I nit.Gäll, 's goht halt nüt über e guete Früünd, mit'm Händiyverschtand.