Alti Früündschaft

Hüt sitz' i do ,
zähl' 50 Johr -ebe no -
jo un e paar Verquätschti hintedra .
I lueg mir grad emol
säll alti Album wieder a.

I ha's scho fascht vergässe,
weisch ,des vo de Poesie,
wo m'r als chleini Fötzeli
ammel enander ummege hän.
I blätter e bizzeli din
Un dänk debi :

Wie schnäll fließt doch des Läbe
un 's goht nit jedem numme ufe.
Alli sin sie furt un umme.
De eint isch dört,
de ander do verbliebe .
E mänge het's ement
eifach neumewo vertriebe .
E Handvoll chönne liider
au scho nümme schnuufe.
Aber schön isch's sällemols no gsi.

Us de frohe Chinderdage
schtoht's zuem Läse do,
was mir gschriebe hesch mit siebe.
Am Rand, do chläbt's jo no,
des liebi, chleini Bild vo dir.
Jerenai, wo isch numme
die Zit aanecho?

Un uf de allerletschte Site
hesch m'r ins Büechli iinegschriebe :

*Willst du im Leben
wahre Freunde finden,
reiss' das Band der Freundschaft
nie entzwei, denn willst du
es einmal wieder binden,
ein Knoten bleibt immer dabei.*

Drunter schtoht no öbbis dezue, mit Blei :

Weisch,'s rißt mängmol au,
vo ganz ällei .

I dänk m'r, noch e so viel Johr,
ass de rächt gha hesch,
jo,'s isch scho neume wohr .