Chasch dängge

R : Du!
D : Hä?
R : Solli, bisch au scho umme?
D : Jo, i chumm grad nomol vom Dokt'r.
R : Un, bisch wieder zwäg?
D :'s goht e so. I sött no e paar vo de Tablette ne, dreimol am Dag eini, im warme Wasser.
R : Jo un? Hesch's scho gmacht?
D : Eini han i hüt am Morge scho gno. Aber los, i ha verchlemmi chei Luscht, am Dag e paarmol in d'Badwanne ine go hocke.
R : Säll isch au wieder wohr. Sunscht siehsch hüt zobe ement no e so rumpfelig us. Seisch halt m Dokt'r nüt un sufsch nit e so, wie e Loch.Also guet, gosch mit.
D : Los emol, i ha mi nit ghört ja sage, ass i hüt mit an de Ball chumm.
R : Jo jetzte aber, wäge dem muesch d'r chei Gedanke mache.
D : Scho, aber's reicht jo nit, sich cheini Gedanke z'mache. Me muessti die doch au zuem Usdruck bringe chönne.
R : Hä? Also wie de meinsch. Bis hüt zobe hesch jo no Zit dezue.Un los, de Charli het m'r aaglüte, asser mitgoht.
D : Jesses de? Mit dem hesch aber denno e schöni Chomedie du.
R : Worum meinsch? De Charli isch doch ammel e sone liebe Siäch. De cha nit emol im e Muckeli öbbis z'leid due.
D : Ebe, des isch's jo.Du, de isch jo e sooo tierlieb, des glaubsch nit.De het gescht uf'm Heimwäg vo de Halle sogar am Zebraschtreife aghalte un'n beduurt.
R : Jo was? Isch dört eine gläge?
D : Hejo, nit numme eine, ganz platt.
R : Henai, sag numme!Die armi Cheibe aber au. Hänner sälli denno wenigschtens ufghebt un an de Schtroosserand glegt?
D : Nai, nä-ä, worum?
R : He, also weisch, das hätt i jetzt aber nit vo euch dänkt. Jerenai, die arme Säggel go liege lo. Un wohrschiens no drüberdrampt, hä?
D : Drüberdrampt? Nai nai, mir hän numme churz aghebt un denno simmer drüber übere gfahre, mit em Velo.
R : Was? Aghebt un au no drüber übere, mit em Velo? Jessesnai, do hänner aber Glück gha, asser nit uf d'Schnuure cheit sin, bi dem Hindernis un asses niemed gse het, gäll?
D : Jojo, bim erschtere hesch rächt, aber's Letschteri wär m'r grad no glich gsi, wenn de Charli nit no eine e sooo beduurt un au no gfüetteret hätti, mit em Räschte vo minem Weckli un de Brootwurscht.
R : Do siesch aber emol, was de Charli für e guet's Härz het.An dem chönntsch d'r öbbe emol e Schiebe abschniede un e guet's Bieschpiel ne. Meinsch nit au?
D : Was, an dem? Im Läbe nit!Wo de scho e so viel suft, asser meint, de Überwäg sigi e plattdruckts Zebra un chürblet au no die schöne Weckli, de Salat un Brootwurscht mit dem Bierli z'viel druf use!Henai, chasch dängge!
R + D : I glaub, jetzt gömmer lieber, solli mitnand! NARRI, NARRO