Vercherti Maßnahm

'S isch emol e Maßnahm gsi,
für mi, vo amtswäge.
Dört muesch halt anegoh
un des isch wohr,
als brave Bürger scho,
wenn eim 's Gäld chürzer zählt,
als wie e jede Monet 's ganzi Johr.

Hejo, wenn eim niemed Arbet git,
do chasch sueche, wie de witt.
Für immer meh Lüüt,
die nit alles fuuli Säck,
gits hüt immer meh nüt,
vo was sie no chönnte
's Läbe sälbscht beschtritte.
Do defür cha e mänge nüt
un sich nit numme alles zämmepumpe!

Me mueß sich halt "witerbilde" lo
oder nagt am Hungerlumpe umme.
In dene Maßnähm sin die Lüüt,
ganz jungi un welli scho fascht alt,
vielmols doch am falsche Fläck.
Dört goht denno de Montör als Koch
un de Frisör als Wecklibäck,

fascht scho e so,
wie in de Politik,

isch chuum eine berueflig
neume emol in sinem Eliment,
weder als e Maa oder au e Frau.
I ha's emol e so erläbt,
vo amtswäge, weiß des genau.

I dänk scho no z'ruck an Haage.
Je, wo isch numme d' Zit bliebe?
I bi an dene IFAS-HOGA-tage
meischtens hi gsi
un sälte no zuem Hobby-Fröne,
Gedichtli schriebe cho.
Als Fehlbesetzti han i,
's isch fascht nit zuem sage,
immer meh über Fueß- un Chopfweh
bim Dokter müeße chlage.

Wit inne in mir dinne,
do het mi sälli Zit d' Muuse au verlo,
nit mit m'r wölle ummeschmuse
un hets meischtens glo.
Sie isch eifach ab un devo
oder numme gange go Pfuuse,
neume mit andere Schätzli träume.

Jenu, gäll liebi Lüüt,
's isch halt emol e so,
's het alles sini Zit.
Z'mittsdinne sin mir jo au no do.
Vo mängem hesch ab un zue
de Chanal gschtriche voll,
wottsch numme dini Rueh
un vo nüt me öbbis wüsse.
'S Läbe isch nit immer weich,
schlot is alli neume umme.
I dänk, me lert scho drus.
'S goht jedem zwüschedure bschisse:

So, do hesch de Prägel oder au de Saich!

'S Läbe isch ungerächt un het e Schuß,
goht niemerem numme, wie'ner wott
un 's Glück isch sowieso e Chueh,
duet sich nit bsinne,
lauft ammel eifach wem devo
un nit immer e so, wie's sott.
Viellicht chunnt er is aber no,
vo obe, dir un mir, de ganzi Sääge,
git's emol ab vom Überfluß,
no e mängem uf de Läbensschtääge.
Des cha me jo nie wüsse.
Duesch sälber öbbis dezue.
Sunscht goht's d'r, e so wie mir,
hocksch in de falsche Maßnahm dinne,
vo amtswäge.