Sunndigsbsuech

R: Du?
D: Hä?

R: Ah, solli!'S isch aber no nätt vo d'r, ass de mi einewäg go bsueche chunnsch, wode hüt defür doch gar chei Zit hesch?Jo, hogg schomol ane.I mueß numme nomol schnäll
in d'Chuchi, go öbbis hole.

D: Ich un für di chei Zit? Wer het des verzellt? Du glaubsch de Lüüt ement au scho alles?

R: Nai, nä-ä, eigentlig nit, aber los, denno muesch's halt emol dinem Aruefbeantworter sage.

D: Jaso, sälle! Jo weisch, s'isch numme wäge dere Erika, woni gescht chenneglert ha.Mercidankschön für's Bierli, wode anegschtellt hesch.I han e SaudurschtProscht einewäg! Äh--- goht's no lang in de Chuchi? Cha i d'r öbbis hälfe?

R: Nai nai,bruuchsch's nit.I suech numme de ander Däller, wo i vorig grichtet ha.

D: De Däller? De isch do!

R: Ah, jo, i chumm grad.Los, hesch mit dere Erika viellicht scho e Schtrit gha?

D: Nai,Schtrit nit,-aber i ha mit dere de ganzi Obe gschwooft un mir hän e Mordsgaudi zämme gha. Jessesnai, numme mir zwoi.Schpöter isch denno ihri Schwöschter dezue cho,oje.

R: So so, denno isch dir's ement z'viel gsi, hä? Mit zwoi Fraue ufsmol fiere, säll bisch halt du nit gwöhnt, gäll?

D: Nai,das wär au nit emol 's Unagnähmschti gsi, wenn i dene nit vor de Demaskierig e Iladig zue mir verschpoche hätti.

R: Oje, do muesch aber ganz nätt abgfüllt gsi si, wode Gopferdelli sunscht 's ganzi Johr nit emol eini iglade hesch, di do nüt trausch!

D: Jo los emol, an de Fasnacht isch des aber au öbbis ganz anders - ha i dängt.

R: Hä? Worum no das?

D: Hejo, wil do doch am Äschemittwuch sowieso alles umme isch, noch 3 Dääg, hani dängt.

R: Aha, du hesch dängt? No verschtand i aber nit, ass de nit erscht noch'm Äschemittwuch chei Zit hesch für die zwoi Schöne?

D: Das verschtohsch gli, noch minere Erklärig. Los, s'het mi fascht umghaue, wo die zwoi Schwöschtere d'Maske glupft hän, jerenai!

R: Jowas, sin die e sooo schön gsi un chnuschbrig?Hä? Do hogg di emol ane, verzell!

D: Hör numme uf, vowäge Nägeli.D' Erika isch em Maier Dölfi sini Frau gsi un die sogenannti Schwöschter isch em Dölfi sine Brueder gsi!

R: Henai, jo was du nit saisch! Hesch ement z'viel Saich abglo mit dene un di blamiert? Was meinsch?

D: I glaub nit,- aber du, i mein halt, wie wäre d'Fraue doch e so charmant, wenn me in ihri Ärm cheie chönnti, ohni denno in ihri Händ z'cho--- oder in d'Fuscht vo ihre Begleitige od'r e so.

R: Jo, do isch scho öbbis wohr's dra un de hesch's Problem gschnallt.Eins verschtand i aber nit, ass de dem Dölfi sine Brueder nit ender usechennt hesch?

D: Ich un de ender usechenne? In dene Frauechleider?

R: Hejo, sälle sieht doch s'ganz Johr wie e Rokkokodisch us!

D: Hä?

R: Jo, obe het er e Platte un drunder e Ecke ab un chrummi Bei!

D: Hä hä, de hesch jo rächt-aber- säll hättisch mir numme scho vorem zehnte Bierli sotte sage.Jetzte nutzt's au nüt me.Hüt am Vormiddag het allwil's Telifon gschällt.Die zwoi hän mi sicher
bsueche wölle, wil i sie zuem z'Middagässe iglade ha.So öbbis Saumäßigs aber au!Wie chumm i do us dere Nummere wieder use?

R: Du, meinsch nit, asses viellicht numme e Ibildig vo d'r gsi isch?

D: Hä? De wottsch aber jetzt nit sage, i sig neume dure e bizzeli ga ga oder e so? Oder meinsch, i bi sit gescht taub worde?

R: Nai nai, 's hät sicher bi dir aglüte aber i sag d'r numme, ass i des gsi bi.I ha di zuem z'Middagässe ilade wölle.De hesch jo no sälber d'Igäbig dezue gha, au guet.

D: Hä? Was isch?

R: Hejo, ganz chlar, sunscht wärsch ement nit ufchrüzt, um die Zit.Blieb numme hocke, i mein jo numme un meine wird me jo no dürfe, gäll?

D: Jo, wil's du bisch. Aber los, jetzte mol öbbis anders.

R: Was isch? Ah, do isch jo de ander Däller!

D: Du, was i di scho vorig ha froge wölle, worum chnurrt mi die ganzi Zit dine Hund e so a?

R: Jo, des isch doch eidütig un chlar!

D: Mir nit.-Siehsch, jetzt luegt de mi au no e so bös a un chrurrt scho wieder, wo i numme de Däller do übere schieb! Hesch dem hüt no nüt gfuederet?

R: So isch's, du saisch's.

D: Jasooo,denno wunderet's mi nit! Hejojo, wieso gisch no dem liebe, süeße Dackeli nüt zuem Frässe?

R: Worum? I hanem's doch grichtet,gäll Waldi?Dem isch alles chlar.

D: Scho wieder? Dem Dackeli schiens aber doch nit, gäll Waldi? Darf'm e bizzeli vo dem Räschte do vo dem Däller ge, hä?

R: Jo jo, gib's em numme.De wunderet sich sowieso scho lang, ass du's Schappi us sinem Däller ißisch! Isch's guet gsi?

D: Was hesch gsait? Jetzt sag numme,'s Bier isch au nit ächt gsi?

R: Doch, säll scho.I ha is no e Däller vom Gulasch brocht.Wottsch e weng?

D: Nai, mir isch de Hunger scho vergange, viele Dang.Los, i ha's ganz vergässe, i mueß no bi öbberem neume ane, wägem Umzug hüt Middag.Gisch em Hündli halt mini Portzion.E Guete mitnand.Un los, wenn du no de Charli siehsch, saisch em e Grueß un frogsch'n, öb er alütet un zobe in d'Halle chunnt.

R: Nai, de cha nit cho, het er mir scho d'letschti gsait.Er heigi e Unfall gha.

D: Was? De armi Chaib. Was het'r?Wo fählt's em?

R: Ja weisch, dem isch sini letschti, schweri Lohnabrächnig uf de Fueß cheit un wäge dem chönnt'r nit go schwoofe go

D: De meinsch, ass bi dem scho de Mattäi am Letschte isch?

R: Genau.Sini Frau bichunnt's sächschti Chind über.

D: Aber denno no neui Hüehner un no e Änte go aschaffe, hä?

R: Jo, loß'n doch.Do het'r e Ablängig.Un, los emol, sälli Änte isch chei Änte.

D: Wieso nit?

R: Hesch no nit gse, wasses isch?

D: Nai, ganz e so genau nit.Worum?

R: He, die hän e so viel Chinder.Do het sich de Chlabberschtorch bi dene scho d'Füeß abgloffe!Wart, mir chömme mit!