Schönheitsrezäpt

(Kommentare: 0)

Rolli un' Dudel

Schönheitsrezäpt


R: Du?
D: Hä?

R: Los emol, de siehsch hüt e so andersch us? Was i di ha froge wölle, legsch hüt zobe au e Maske a?

D:Hä? I un andersch usseh, äh, wie andersch meinsch?

R: Jo, ement früscher un e so verjüngt neumedure ebe. Wie hesch des gmacht?

D: I ha m'r e Dag frei gno.

R: Hä? Vo was?

D: He, vom Sufe.

R: Waaas? Jo verreck, isch das 's ganzi Rezäpt?

D: Nai, aber i verrot's nit e so gärn jedem.

R: He, jetzte aber, i bi doch nit e jede. Du weisch, de chasch mir no immer alles verzelle.

D: Jo, hesch rächt. 'S isch eigentlig scho wohr. Du hesch ammel jo viel Verschtändnis für mi, für e jede Chabis bis hüt.

R: Genau, du saisch's.Abere--- los, de chönntsch mir emol de gueti Root ge, wie i au ohni e choschtschpieligi 6-Wuchechur e so früsch un besser usseh wurdi. Du,-äh, meinsch,'s bliebt ement e Wiili e so?

D: Jo, äh,- loß di emol aluege, ähä,- jo,- des chönnt me mache.

R: Hehe, muesch do dezue no e jedi Runzle un Falte abzähle, hä?

D: Nai, des nit, aber e bizzeli de Platz usrächne, in dinem breite G'sicht.

R: De Platz? Für was no säll? Un au no usrächne? Mueß des si?

D: Hejo, i ha nämlig chei Gäldschießer.

R: Hä, wieso?

D: Weisch, d'erscht Behandlig chriegsch vo m'r gschängt, wil's du bisch.

R: Hä, bruucht's do viellicht eine, für die paar Sache?

D: Worum meinsch?

R: He, als Gäldschießer, wenn die Behandlig ement bim erschte Mol nit aaschlo dät.Meischtens isch's jo mit e paar Chöschte verbunde, gäll?

D: Wie me's neh wott.

R: Jasooo,- un wie nimmsch's?

D: Wart emol, i han's gli, i bi no am usrächne. Denno gosch halt in Lade, 's Zügs ichaufe. Chasch mine Chorb dezue neh.

R: Sag emol, i wott m'r eigentlig nit e so pfundwiis e Johresvorrot vo dene Schönheitsmitteli zuelege. Was schriebsch no do e soviel Sache uf de Zettel ane? Hani das nötig?

D: He, wottsch nit's Rezäpt wüsse? Do dezue brucht's ebe e paar Zuetate.

R: Jessesnai, chasch die nit chürze? ---oder verzellsch mir lieber, wie's goht? Oder nai, i lueg d'r emol zue, wie's gmacht wird.

D: Des isch jo sicher chei chomplizierti Sach, mit em Zämmechoche oder?

R: Nai, nai,'s isch alles Natur un des cha jo au de Blödschti.

D: Also guet, i ha d'Zuetate chürzt un verzell d'r emol no schnäll, wie's goht. Zerscht muesch aber die Sache
ichaufe go.

R: Un denno?

D: Denno bruchsch e Härtöpfelschäler. Hesch eine deheim?

R: Hä? Für was brucht me sälle? Jetzt sag numme, me mueß d'Härtöpfelschale uf's Gsicht due? Los, däte's nit au e paar Gschwellti?Ement au no uf'd Auge? Oder Tomate?

D: Henai, aber chasch's jo ruejg emol usprobiere, wie's isch. I leg mir mängmol numme e paar Gurgeschale als Maske uf's Gsicht. 'S het ammel e enormi Wirkig.

R: Asooo,--- no frog i mi aber, worum de die sälli hüt nit drufglo hesch. Do hätt's no chei andri Maske brucht, hüt zobe!

D: Wart emol, i glaub, i chumm doch lieber mit in Lade.

« Zurück

Einen Kommentar schreiben