Säll chunnt devo

(Kommentare: 0)

Rolli un' Dudel

Säll chunnt devo


R: Du!
D: Hä?

R: Solli, bisch z'wäg?

D: Nai, nonit e so.De Dokter het gsait, i sott d' Tropfe 3mol am Daag im warme Wasser neh.

R: Un, hesch's nit gmacht?

D: Doch, scho, aber meinsch,'s macht öbbis us, wenn i sälli Tropfe numme eimol im warme Wasser nimm? Du, i ha nämmlig überhaubt chei Luscht uf e paarmol am Daag in d' Badwanne go ummehogge un nocher au no e Hufe Rumpfle z' ha.

R: Jerenai, wägem Letschte chönntisch jo grad no froh si.

D: Im Läbe nit! Für was han i mir no die tüüri Huutcrem schänge lo? Henai, alt wird me doch vo sälber!

R: Meischtens jo, aber weisch nit, ass d' Rumpfle e Maa interissanter un riifer mache?

D: Hä? Ahsooo, du meinsch, ass d' Rumpfle numme d' Fraue alt mache?Nit schlächt sag i.Du, i glaub, i sott langsam emol wieder mini Tropfe ineh, wie's de Dokter gsait het.No cha i grad in aller Ruej
s neui Heftli läse.Sag emol, duet's d' Duschi nit au?

R: Jo,los, denno dät i m'r aber
z'erscht emol sälle Bipackzettel vo
dere Medizin au no ganz genau dureläse.

D: Jo gopferdelli nonemol! Do dra ha i jo no gar nit dänkt! Jesses, de Dokter meint au scho nümme das, was er sait. Dankschön!

R: Für was?

D: He, fürs dänke hälfe. Wenn i di nit het, mine beschte Früünd!

R: Jo un die chleine Härtöpfeli, gäll?

« Zurück

Einen Kommentar schreiben