Ramadan

R: Du!
D: Hä?

R: I glaub, i hätt de Fleischsalat bi dir doch nit ässe sotte.

D: Worum nit, i hannen vor drei Dääg au scho probiert un er isch dört no guet gsi, extra e Gschänk vo de Nochbere.

R: Was, des saisch m'r jetzt erscht?

D: Hejo,sunscht hättisch'n vo dere doch gar nit gässe! I mein, wo 'ner euch doch scho länger numme no mit'm zwoite Gsicht alueget, gäll?

R: Jessesnai, isch's mir schlächt! I glaub, i darf morn wieder emol faschte.Olätz,i gang emol schnäll uf de Abe.

D: Jo, mir het's au scho zwoi Dääg nit e so guet due, bi dere Schüsslevoll, woni gha ha.

R: Jo jo, säll cha mir au gli passiere.Gang mol ewäg,'s prässiert!

D: So,- isch's gange?

R: Ähä, mi Mage het sich's numme no im letschte Moment überlegt un umdischpuniert.Du,i glaub, jetzt brücht i aber emol e Ramadan.

D: Hä, e was? Das git's bi mir do nit,duet mir leid, cha i d'r nit ge.Wart, i bring d'r e Enzian.

R: Nai, dangschön einewäg.Los, weisch, ass sälle Begriff usem Bayrische chunnt,- urschprünglig gse?

D: Jowas? Hän die wieder emol e Milchüberschuß gha un e neui Chässorte usegfunde?

R: Henai, de gits doch scho lang, de Ramadan,- aber öbbe nit überall.

D: Jo,äh,---hesch'n schomol neume usprobiert, wie'ner isch?

R: Nai, nä-ä, de isch nüt für d' Katolischi.

D: Jo gopferchlemmi aber au, mueß me für de au no e bsunderi Religion ha? Das isch aber au guet un emol öbbis anders, hä?'S wurd sich finanziell sicher lohne, wo's jo grad gnueg Katholischi
umme git, gäll?

R: Jo, neumedure hesch rächt,isch's e so.

D: Un, worum chunnt sälle Chäs usem Bayrische, au no ohni Wärbig?Sunscht git's die doch für e jede Chäs.

R: Des ha i d'r grad verzelle wölle. De Ramadan hän sie ammel numme am Dag un sunscht git's nüt, bis zobe.

D: Waaas, bisch jo verruckt!De ganzi Dag numme am Ramadan ummebiße un sunscht nüt? Un e so öbbis chunnt usgrächnet vo de Bayrische? Jonai, hän die do defür ement no e Extrafaschtefierdig igfüehrt?

R: Jerenai du Bachel, de Ramadan git's numme für die ganz Schpezielle un für sälli länger.

D: Ahsooo, jetzt han i's gschnallt.De Ramadan isch numme für die Schpezielle,--- die ganz Feiße, hä?

R: Ebe nit!

D:Jo hör uf, des isch verdelli e chomplizierti Sach, säll mit dem gschissene Ramadan.Du, de dät m'r aber schomol gwaldig schtinge.

R: Henai, immer zobe dürfe alli wieder alles ässe, wie's halt emol e so isch.

D: Jasooo, aber numme mir Katolischi, die griege nüt oder was? Jenu, gäll?

R: Sag emol, was schwätzisch no du do füer e Chabis? Im Bayrische isch des mit'm Ramadan numme mol erfunde worde,het mir eine verzellt:

D: Des hesch schomol gsait.
R: He gopferdelli, wil de halt katholisch bisch, du Bachel un sowieso nie faschtisch!

D: Nai, freiwillig ammel nit e so gärn, do hesch rächt un mit dem Schißdräck vo dene Reizdärm han i no nie öbbis am Huet gha.'S isch jo guet, wenn's sich neume anderscht ane verzoge het.

R: Jo, do wärsch aber au schön agschmiert, mit some Ramadan, säll isch wohr.

D: Numme guet, ass mir katholisch sin, hä?Aber sag emol, wie isch jetzt de Ramadan im Bayrische ufcho?

R: Ganz eifach e so, het sälle zue m'r gsait:Do hän's emol zwoi Bayrischi probiert, mit 'm Faschte un hän gsait "Aber obends ram ma dann de Küehlschrangg uus!"