Mach numme chei Mischt

R: Du!
D: Hä?

R: Das isch wieder emol e schöne Sunndig hüt, grad wunderbar, zuem's neui Velo go usprobiere,gäll?Du, wämmer nit e Paus ilege? Do isch's e sooo nätt, zuem Anehogge.De chönntisch emol's Väschper usem Rucksack due. He,wo gosch jetzte du no ane?

D: Nit wit, numme schnäll dört übere. I chumm grad wieder.Chasch schomol uf sälli Bank hogge, bis i abglade ha.

R: Hä? Bis de was abglade hesch? Hesch do in dem Chaff öbberem öbbis mitgno?Chensch ement do eini?

D: Nai nai,i gang numme schnäll uf sälle Platz dört ääneane, go bizzeli öbbis ablade.Chönntisch m'r e wengli hälfe do, wenn de wottsch.Denno hän mir Zit un chönne in aller Ruej 's Väschper verbutze, wenn de Ahänger leer isch.

R: He he, was machsch no du do? Ja nai, des isch jo de Abschuß, saaag emol!Ja schpinnsch jetzt du oder was?

D: Hä, worum? Siehsch's nit, ass i mol überflüssige Grümpel entsorge due?

R: Entsorge isch guet. De hesch jo de ganzi Ahänger mit dinem Dräck vo deheim vollglade!Un i ha dängt, ass de wiederemol alte Chääs uf's Brot due hättisch un d' alti Sogge aglo hesch, so wie des ufm Wäg un hintedra an d'r ummegmufflet het.

R: Des isch ebe wieder emol e tüpische Fall vo " hesch dängt Nägeli" , gäll?

D: Scho, jo jo,--- aber sag emol, losch du de ganzi Abfall do liege? Wottsch de Grüpel nit lieber wieder mitneh?

D: Nai, worum? Du meinsch doch nit, ass i de ganzi Mischt numme schpaziere fahre due, asser an d' früschi Luft chunnt oder was? Des au grad no am Sunndig un no do im Ring umme, bis mir wieder deheim sin mit 'm? Los, des wär aber scho e überoberdubligi Sach, wie de ehrlig zuege muesch , für in d' Narrezitig ine, am beschte au no mit Foti devo, uf'd erschti Site,--- jaso, do däte sich aber d Hüehner z' erscht hilache, hä?

R: An d'Hüehner ha i eigentlig nit dängt, aber an öbbis griiens.

R: Hejo, do lad i's jo ane, uf sälle griiene Platz dört, wo scho e paar Gugge ummeschtön.

R: Du, des isch aber nit erlaubt un chei Abladi für e sone Hufe Zügs.Dört sin bi öbberem wohrschins numme d' Dräckeimer scho voll oder het sälle ement sini Abfallgebühre schpare wölle un au cheini Mischtsägg ichauft.Me darf doch nit eifach e so wild sine Dräck neume in d' Umwält ablade! Jo meinsch, asses grad für dini Abladi e Usnahm git? Was isch, wenn do jetzt un ganz zuefällig eine vo dene Grüene zueluegt?

D: Hä? Du meinsch, ass usgrächnet hüt eine vo dene Umwältfuzi's neume linst un do de Platz inschpiziere wott? I lad überhaupt nüt wild ab, mach jo scho e sooo langsam, ass jo nüt us dene Gugge cheit, wäge wenn's neume e Loch dri ge het. Un du, an d' Vorschrifte halt i mi au.Übrigens gits do sowieso nit viel Grüeni,- ender Schwarzi.

R: Hä? Was verzellsch no du do für e blöde Saich? Wild ablade heißt me dem, was du machsch, wenn eine de Dräck anere verboteni Schtell abladet, wie du. Die Vorschrift zeig m'r emol, wo e sooo öbbis erlaubt! Hesch die viellicht debi? Lueg, dört isch grad ebe e Schuggereiauti um's Egg ummegfahre!Jerenai, wenn de des gse het, was du dooo ablosch.Do defür längt au EINE vo de Grüene!

D: Jo un? Was denno? Des isch doch do nit e verboteni Schtell, numme e vorgschribeni, ordnigsgemäßi un e legali Abladi un vowäge nüt schriftlig un e so. Des cha jede Dubel go nochläse , im Mischtchaländer deheim.Hesch'n nit im Briefchaschte gha, wo die letschti an alli verteilt worde isch?

R: Jo doch, aber so genau ha i dört no nit ine gluegt.Uf wellere Site hesch des mit dere Erlaubnis vo dem Platz do gläse?

D: Jo he, do dra eriner i mi nit e so genau.Das hani m'r nit gmergt.De weisch, mit dene Zahle ha i's nit e so guet un ohni Nasevello, aber im neue Mischtchaländer schoht's jo jetzte scho verschtändliger dinne, uf Allimannisch.

R: Hewaas? Das glaub i aber nit. Das verschtoht jo e Uswärtige garnit.

D: Säll macht doch nüt.Denno goht an die gwüssi Plätz scho nit e jede ane!

R: Los, wie hän sie's in de Chaländer gschriebe, vo dem Platz do?

D: He, im Mischtchaländer, im neue, do heißt's eifach, chlar un churz " Brings ammel" isch am 8-16 Uhr un an welle Platz. No bring i mine Dräck halt ammel, wenn i sowieso vorbi chumm oder? Mir hän no nit emol 15 Uhr. Denno chönnte mir no lang ablade, he.

R: Ja los emol, isch nit e bsunders Datum dinne gschtande, wo eine des Dräckzügs ammel viellicht abnimmt? Weisch, wie bim Grüenschnitt au?

D: Hä? Wer wott no des aneh? Do chasch nüt me devo bruuche, henai!'S isch numme de Platz age gsi un d' Ortschaft un dört am Roothuusplatz, in Charsau.No simmer jo ganz genau richtig do!

R: Was hesch gsat, vo Charsau? Ja do muesch glaub aber im Chaländer öbbis arg mißverschtande ha .

D: Nai, nit emol. Du, isch do nit de Roothuusplatz? Un dört äne schtoht no d' Chille. Du, weisch, i bi halt scho lang nümmi do gsine.Aber i mein,mir sin immerno z' Charsau.

R: Jerenai, do wunderet mi jo nüt me. Los, chumm, loß de Grümpel si.Luege m'r lieber, ass mir schnällschtens abhaue,- mach e bizzeli. Ement het is do doch no eine observiert un de sälle Grüeni chert ächscht nonemol um.Daas chönnti aber neume e Loch ge.

D: Hä, wo meinsch? I ha nüt chabutt gmacht.I bool no schnäll mini Fläsche furt, wart emol!

R: Nai, schigg di , mach e bizzeli, i ha e ganz e chomisch's Gfüehl ufsmol im Buuch un des mit'm Loch ha i vo dinem Gäldbeutel gmeint,mach jetzte!

D: He, worum schtressisch no hüt e so? Wart emol!

R: Nai du Dubel, mir sin do nit z' Charsau!Un das im Chaländer het sicher BRINGSAMMLUNG gheiße,- abchürzt- un di Nasevello hesch gescht bi mir ufem Abe vergässe.

D: Hä? Mach numme chei Mischt! Un was isch mit 'm Väschper?

R: Säll chönne mir denno in Charsau am Roothus ässe.Schwinge m'r is!