Im Zug

R: Du!
D: Hä?

R: Jo, des isch aber emol e Zuefall, ass mir is do im Zug träffe oder?

D: Nai, nä-ä,d' Wält isch au scho chleiner gworde.

R: Gäll, 's isch doch no ganz nätt, emol wieder mit de DB z'fahre, um die Zit?

D: Hä? Welli Zit meinsch?

R: Du, schtohsch ement grad schön uf de Leitig? Lupf emol dine Fueß.

D: Hä, worum? Bi i neume inedrambt?

R: Nai, des nit.Aber sag emol, bisch geischtig scho deheim oder was siniersch umme?

D: Ich sinier nüt umme. I ha m'r numme grad dängt, ass des Pappdeckeli jetzt scho 3,80 choschtet un denno het sälle
dört des au no löchere wölle.

R: Hejo, hesch's ement nit glo?Do chunnt er jo grad nomol.

D: Hedoch, schpöter scho. Du,de het vorig e so ufdringlig due un het gsait, er müeßti, wil er ohni Loch cheine fahre lo chönnti.

R: Jo, säll isch au wieder wohr, chasch nüt degäge mache. Los, was hesch do für e toll's Heftli in de Hand? Sit wenn liesisch du e so öbbis un au no e so saumäßig tüür's Züg's? Hesch also doch no e Räschte vo minem Gäld gescht übrig gha?

D: Also weisch, des Hefli isch quasi scho vor mir igschtiege gsine un die paar Verquätschti sin de Räscht vo gescht vom Fäscht gsi.

R: Ja,- äh, hesch ement no me devo? Denno chönntisch m'r jo emol die erschti Rate z'ruckzahle, vom Vertlehnte? Was meinsch?

D: Hä? I ha mi nit jo sage höre. I ha m'r dängt, asses Johr jo no e sooo lang isch oder nit?

R: Jo jo aber i weiß au, ass du am End vo dinem Gäld meischtens immer no e sooo viel Monet übrig hesch.

D: Los, uf de Schießchaländer lueg i scho gar nümme druf. Do defür hanni mine Wecker.

R: Ja schpinnsch no du? De hesch jo gar ke Wecker.Oder hesch d'r eine zuedue un vo wem sinem Gäld? So so, ähä un denno mi wieder go apumbe cho, gäll?

D: Ich? Henai, wäge sonere ganz unwichtige Sach doch im Läbe nit un dreimol scho garnit in dere Zit.Do defür hanni jo mini Nochbere.Die brüellt jo alldäg lut gnueg mit ihrem Alte umme, was dem 's Schtündli gschlage hätti un welle Dag ass isch, asser erscht ab em Samschtig eine go sufe dürfti.

R: Henai, no het dere ihre G'briel jo no e güete Zwäck für d' Huusgemeinschaft, hä?

D: Hesch rächt, gottseidank wohne do numme zwoi Parteie im Huus.

R: Worum meinsch?

D: Hejo, dere ihre Organ isch scho e so güebt un trainiert, asses meischtens scho jetzte ganz gföhrligi un beängschtligi Überschläg macht.

R: O jessesmaria un Josefli, aber los, dini Ziebele sottisch einewäg emol us de Machi hole.

D: Jo, säll hanni dir au scho sage wölle- noch de Fasnacht. Du,- do het sälle doch rächt gha, de Leo?

R: Hä? Was liesisch do wieder für e politisch's un verloge Zügs un welle Leo meinsch?

D: He de, wie het'r nomol gheiße, sälle, mit e so öbbis wie Galle vornedra un neume e Ei.

R: Du meinsch nit öbbe de Leei, du Bachel?

D: Hä?

R: De Galilei halt.

D: Jo, sälle hanni doch gmeint. De het doch rächt gha, ass sich d' Wält draijt.

R: Sag emol, hesch des in dem Heftli do glääse un merksch's jetzt erscht?

D: Nä-ä, s' isch mir gescht scho icho, wo's mi fascht umghaue het, wäge dem Sürmel neume im Chopf.

R: Jo was? Un e so bsoffe hesch du no Hochgeischtigs dängt? Du machsch di.

D: Wieso, worum meinsch?

R: Hejo, sunscht sufsch säll numme! Du, lupf di, mir sin do. Nimm säll Hefltli mit. Do chönne mir is d' Bildig emol enander schänge, grad für nüt, gäll?