D Meieri het gsait

(Kommentare: 0)

Rolli un' Dudel

D Meieri het gsait

R: Du!
D: Hä?

R: Los, d'Nochbere het mir hüt öbbis verzellt.
D: Sälli? Die verzellt ammis viel.Du, sag emol, was het sie gsait?
R: Sie het m'r verzellt, ihre Maa sig letschti Wuche bim Tierarzt gsi.
D: Jo, un denno?
R: He, sie heigi de Tierarzt vorher agruefe, dass ihre guete Maa mit em Hündli vorbicho däti.
D: Hejo, des isch nüt Ungwöhnligs. Un denno?
R: Denno het sie gsait, er sött'm e Schprützi ge.
D: Oje, de armi Chaib. Was het er gha?
R: I weisses nit, aber d'Frau Meier het verzellt, ass de Hund ab isch un gli heim. Ihre Maa sig erscht zwoi Schtund schpöter daheim acho un heigi gsait, er sig ufsmol e so sanft igschlofe un hätti fascht nit heimgfunde; un ass de Tierarzt e so blöd gfrogt heigi, öb de Hund ällei heimfinde däti.
D: Jaso, meinsch nit, dass do öbbe e Missverschtändnis passiert isch? Numme guet, dass i chei Tierarzt bruch.
R: Hejo, wo de doch no nit emol e Hund hesch! -- Du, los,'s goht no witer.
D: Hä?
R: D'Meieri het no gsait, du bisch die letschti e so hässig zue nere gsi.
D: Soso, was die nit alles ummeverzellt. De Grund het sälli Schälle d'r aber nit gsait, gäll?
R: Nai, aber sie het gsait, du bisch ammel efangs e so bissig, ass me mit dir grad e sottige, gruusige Champfhund schpare däti, -- am beschte -- vo ihre us, un dass de hättisch de Düüfel hürote chönne.
D: De meinsch sälle Satansbrote persönlig?
R: Wohrschiens de, jo.
D: Los, saisch ihre e Gruess un dass des nit giengti, will d'Ehi zwüsche de Gschwüschtere verbote isch.also denno, Solli Rolli, bis morn.
R: Solli Dudel, i muess au ab.
D: Du, halt, wart emol! Lueg, dört äne!
R: Hä? Was isch no? I wott öbbe schnäll zuem Frisör. I ha chei Zit me.?S bisst mi scho un chützelet mi im Chrage.
D: Jetzt lueg doch emol, dört chunnt d'Frau Meier ---- un mit em härzige Chäfer näbedra. Du, chennsch ement sälle? Jessesnai, d' Meieri het is au no gseh!
R: Hejo,worum nit? Do dusse sin mir doch alli gliich öffentlig. De wirsch doch nit neume e schlächt's Gwüsse ha?
D: Ich? Nai, wäge worum? Los, schtand emol schnäll vorne dra.Du bisch doch e bizzeli breiter, als ich. I wott nüt provoziere.
R: Aber i bi chleiner un hätti e so zwoi Chöpf.He lueg, sie bliebe jo uf de andere Site.

Rolli un Dudel:

Guete Daag mitenand. Schön's Wätter hüt, gäll? Jojo, ähä Frau Meier, hejo sie hän jo e sooo
rächt, hejojo. Addjö mitenand, nätt, ass me sich au emol wieder trifft. Asoo,'s isch ihri Nichte.

Jojo, zwoiezwänzgi isch sie scho. Ãhä, jo, sit de letschte zwanzig Johr isch sie gwachse, jo,-
sie au, aber in d'Breiti, hähä. Nai nai, nit im Ãrnscht. Mir düen numme e bizzeli ummeblödle---wäge de Gsundheit.
Solli mitnand,- un denno,

Narri, Narro...

« Zurück

Einen Kommentar schreiben