Alles ändert sich

R: Du!
D: Hä?
R: Jo Solli, wo chunsch no du här?
Bisch nit dehei gsi?
D: Nai, i ha hüt e Termin z' Lörrach gha,
uf de GAL.
R: Ah, hän die e neue Lade dört?
D: Jo, wenn me des e so sehe wott,
denno scho.
R: Un, hän sie öbbis im Agebot gha od'r
grad e neui Akzion?
D: Nai, im Agebot direkt nüt e so, aber
e neui Akzion scho neume.
R: Un, hesch zueglängt? Verzell un
schwätz nit numme e so drum umme.
D: Hejo's isch mir garnüt anders übrig
blibe. I ha ane müeße.
R: Zue dere neue Akzion meinsch?
Los, de hesch aber doch gar nüt
mitbrocht? Sunscht schleipfsch immer
schweri Däsche vo dene Akzione hei?
Hüt hesch jo nit emol ei Gückli debi?
D: Des chasch bi sällem Lade vergässe.
Do git's höchschtens eis uf de Sack
un nüt in d'Däsche, wenn eine
d'Zit verpasst, aber öbbis vo dene
wott.
R: Jessesnai, worum gosch no ane un zue
dere liedrige Akzion? Bisch au e
schöne Dubel du, wenn i d'r das
emol sage darf.
D: Jo, säll han i mir au scho gsait,
woni ane bi.
R: Ja loos, het d'GAL chei Reklame
uuse ge, als Biilag, in de Zitig
un e so? Worum ha i nüt devo gwüsst?
Hesch m'r au nüt gsait, wo de
sunscht immer mit em Neuschte go
verzelle chunsch. Hesch d'Schnäppli
sälber mache wölle?
D: Du, het d'r's Ameli nit aaglütte
ass i zuem Z'Vieri zue d'r chumm?
Mir hän is in mi Zug uf Basel droffe.
Sit neuschtem het's e Schtell in de
Schwiz, imme Hotel.
R: Jo? Was für e Tschop isch säll?
's Ameli het jo lang nüt e so gmacht.
D: Doch, sie isch au scho e Rüngli bide
GAL gsi un due de verschiedene
Aktione vo dene gange.Um friejner,
vor dem GAL bi de IFAS in Haage gsi.
Dört het sie jo 's Schaffe trainiert
un au ihre Maa chenneglernt.
R: I ha garnit gwüsst, asses Ameli ime
Verein isch? Un ihre Maa, het de
dört au trainiert?
D: Nai de numme ufem Arbeitsamt. De het
sie in d'Akzion, sälli Massnahme
gschickt, isch im Ameli si alte
Jugendfründ gsi un de neui
Sachbearbeiter, wo's Ameli lang
arbeitssuchend glo het!
Sällemols het'r des Maidli allwil uf
Lörrach bschtellt, de Säckl,
weisch's nümme?
R: He, Maidli isch guet! S'Ameli isch
dört au scho Mitti zwänzgi gsi.
Jo i ha mi als gwunderet, asses
jede Dag uf Lörrach isch um go
trainiere, wo's eigentlig immer
e so schaffrig gsi isch.
D: Jojo, aber's het jo chlappt un öbbis
brocht.
R: Ahä, jojo, zwoi Chinder, e guete
Maa un e verschpötete Tschop in
de Schwiz un au no e Aupär, näbe
de Grossmamme. Nit schlächt sag i.
D: Un bi de GAL isch's Ameli scho lang
nümme oder in sällem Lade vo de
IFAS in Haage. Do chasch hüt billig
z'mittag ässe, wie m'r's Ameli
gsait het, wenn's des no git, für
d'Minderbemittelti.
R: Hejo alles het sini Zit. Viel het sich
gänderet in dene paar Johre un mir
is au. Überhaupt, wieso gohsch du
zue dere GAL, zue dem Lade ane,
wo die nit emol e rächt's Sunder-
- agebot hän oder schöni ,
bruchbari Akzione für d'Lüüt,
wennde jedsmol numme mit nüt heim
chunsch? Was isch no säll für e
Chomische Lade? I hätt vo dem scho
längscht d'Nase voll.
D: Bi dinere Ränte brücht i au nit zue
de GAL. Im übrige isch des de neui
Name vom alte Arbeitsamt un chei
Chauflade, obwohl eine emol gmeint
het, ass sie dört au verchaufe,
sogar UNTEREM Wert, e so mänge
arme Säggel, wenn sie de überhaupt
no neume abringe chönne. I glaub, i gang
wieder uf d'Gmei , go butze,
od'r?
R: Jenu, so isch's emol. Alles het sini
Zit, mir au. Vo mängem hesch
mängmol de Chanal voll. Allene goht's
e so. Do hesch de Prägel, dänke mir
is um villicht chunnt er no, vo obe,
de Sääge, me cha's jo nie wüsse im Läbe.

R+D: Un denno, bliebet gsund, im
Tschop un froh. Solli mitenand.