Bildig duet not

Rolli un' Dudel

R: Du?
D: Hä?

R: Was liesisch schön's?

D: He, d'Bildzitig, siehsch's nit?-Jesses, was die wieder wüsse.Jowaaas,--- henai!
Hesch mir öbbis verzelle wölle?Ufem Härz hesch jo nüt e so od'r?

R: Nai nai, numme uf de Zunge.

D: Ah so, mi dungt's scho e Wiili, ass de uf'm alte Chautzgi vo de letschte Wuche ummebissisch, sone ecklige Schlappe immer, wä.

R: Nai nai, i ha numme e paarmol zuem Verzelle agsetzt, weisch, aber i ha di nit bim Schtudiere schtöre wölle.

D: De hesch's aber-Du?

R: Hä?

D: 'S Wichtigschi han i scho gläse. 'S Neuschti chasch m'r jo jetzte verzelle. Was git's?

R: Du, d'Nochbere het hüt gsait, sie heigi e ganz neui Site an sich sälber entdeckt.

D: Jo was? Die? Wie isch no die uf eimol um sich sälber umme cho? Bi sällere chasch di jo under de Buuse schtelle, wenn's rägnet un de wirsch nit emol naß, e so feiß isch sälli. Obwohl- los, Schtilauge het die scho immer gha, ja so du.

R: Nai, nit usse dra, du Bachel.Sie heigi e neu's Interässegebiet g'funde,--- d'Lyrig

D: Jo, was du nit saisch, wo die allwil numme vo ihre Hüehner,Hase, em Hund un ihrem Alte verzellt? Die het doch nit e Gschpusi? Wie heißt jetzte de nomol? 'S chlingt e so usländisch un e so alt.

R: Henai, de sällere duet doch niemer me öbbis a, --- was du aber au meinsch. Do bisch jo scho vom Aneluege platt, bi dere.Usser--- de wärsch total blind,ja so.

D: Jojo, aber bi dinere Nochbere müeßti eine au no taub uf de Ohre si, So wie die ammel ummebrüellt, zue dir ufe. Wie haltisch du des numme us?

R: Jo weisch, 's isch billiger, als d'ewigi Telefoniererei. Weisch, sie isch sit neuschtem unter d'Värsschrieber gange.

D: So, wieso meinsch? Brüellt die jetzte numme no in de griimte Värs ummenander? Hä hä hä, sauglatt!

R: Henai, die phantasiert mir sit e paar Dääg e Hufe Zügs zämme. Alles sälbscht erloge, was meinsch, ja so du, ähä, het sie gsait.

D: Was, erloge? D I C H T E sait me dem.

R: Jojo, vo mir us un vo dere Magd us.Wirsch jetzt du au no hochgeischtig si wölle? Für was au, hä?

D: D A S ha i nit nötig. So öbbis chunnt mir nit in Sinn,- nit emol ufm ABe.

R: Du?

D: Hä?

R: Sag emol, weisch du, was Lyrig isch?

D: Lyrig? Ja --- äääh, --- ah, du meinsch Lyrig? Ja, --- wieso wottsch jetzte du des e so genau wüsse?

R: He, wil me nit gnueg für d'Bildig due cha, weisch.

D: Jo jo, i au nit, des isch wohr.

R: Gisch's zue, de weisch's nit?

D: Was? ich? Los emol, 's Wätter macht m'r hüt arg z'schaffe.I glaub, mir chriege bal no e Wächsel. Du, i ha grad e sooo saublöd's Chopfweh. Frogsch mi morn nonemol, ass de öbbis lersch.Tschau Fätze.

R: Jo jo, ähä un e Grueß an de Lumpe, gäll? --- Sie --- ähä, Sie dört, jo Sie, losen Sie einmol, wüssen Sie viellicht, --- awas, de sieht au nit denoch us --- chumm, gömer.